Χαίροις τῶν ἀσκητῶν ἀρχηγός,
γεγενημένος καί ἀήττητος πρόμαχος·
παθῶν γάρ ἐκτέμνων ρίζας, καί τῶν δαιμόνων ὁρμάς,
ὑποστάς ἀνδρείως ἐθριάμβευσας,
αὐτῶν τήν ἀσθένειαν, καί ψυχόλεθρον πλάνησιν·
τήν τοῦ Σταυροῦ δέ, τοῦ Σωτῆρος ἐνέργειαν, καί
ἀνίκητον, ἐφανέρωσας δύναμιν·
ἥν καί περιζωσάμενος, ἐνίκησας ἅπαντας,
τούς ἀθετοῦντας τήν θείαν, διά σαρκός ἐπιφάνειαν, Χριστοῦ ·
ὅν δυσώπει, ταῖς ψυχαῖς ἡμῶν δοθῆναι, τό μέγα ἔλεος.
Πάτερ Πατέρων Ἀντώνιε, τῇ ἀκορέστῳ στοργῇ,
τοῦ Χριστοῦ καί τῷ ἔρωτι,
τήν ψυχήν κινούμενος, ἐν ἐρήμοις ἐζήτησας,
αὐτόν θορύβους, ἐκκλίνας ἅπαντας·
καί μόνος τούτῳ, μόνῳ ὡμίλησας,
νοῒ ἑνούμενος, καί φωτός πληρούμενος·
ᾦ καί ἡμῶν, τάς ψυχάς καταύγασον,
τῶν ἀνυμνούντων σε.
Πηγή: Μηναῖον Ἰανουαρίου, σελ. 263 & 271