Ἀπολυτίκιον. Ἦχος α'. Τὸν τάφον σου Σωτήρ.
Δυὰς φωτοειδής, ἱερῶν Ἀποστόλων,
καὶ κήρυκες Χριστοῦ, ἀνεδείχθητε κόσμῳ,
τοῖς πᾶσι κατασπείραντες, τὸ τῆς χάριτος κήρυγμα·
ὅθεν σήμερον, ἡμᾶς πιστῶς εὐφημοῦμεν,
ὦ Ἀνδρόνικε, καὶ Ἰουνία θεόφρον,
Χριστὸν μεγαλύνοντες.
Κοντάκιον. Ἦχος β'. Τοὺς ἀσφαλεῖς.
Ὡς εὐκλεεῖς, τῶν Ἀποστόλων σύναυλοι,
καὶ ἀληθεῖς, τοῦ Ἰησοῦ διάκονοι,
τῆς αὐτοῦ συγκαταβάσεως ἱεροφάντορες ἐδείχθητε·
τὴν χάριν γὰρ τοῦ Πνεύματος δεξάμενοι,
Ἀνδρόνικε καὶ Ἰουνία ἔνδοξοι,
ὡς λύχνοι τοῖς πέρασιν ἐφάνατε.
Μεγαλυνάριον.
Παῦλος ὁ οὐράνιος συγγενεῖς,
καὶ ἐν Ἀποστόλοις, ἐπισήμους ὑμᾶς καλεῖ,
Ἀνδρόνικε μάκαρ, καὶ θεία Ἰουνία·
Χριστοῦ γὰρ θεηγόροι, ὤφθητε κήρυκες.
Γεράσιμος Μοναχὸς Μικραγιαννανίτης
Ὑμνογράφος τῆς Μεγάλης τοῦ Χριστοῦ Ἐκκλησίας
Πηγή: Νέος Ἑνιαύσιος Στέφανος, Γερασίμου Μοναχοῦ Μικραγιαννανίτου, σελ. 327-328.