Ὕμνοι ἐκ τῆς ζ΄& θ΄ ὠδῆς
Ὁ λόγος σου Πάνσοφε,
πρὸς σωτηρίαν πολλοὺς ἐξήρπασεν,
ἐξ εἰδωλομανίας,
καὶ φωτοφόρους ἔδειξε Μάρτυρας,
μεγαλοφώνως σὺν σοὶ ἀνακράζοντας:
Εὐλογητὸς ὁ Θεός, ὁ τῶν Πατέρων ἡμῶν.
Ἐδέχθη σου Θεόφρον ἡ προσευχή·
τοὺς γὰρ πίστει τὴν σὴν ὀνομάζοντας,
κλῆσιν σεμνή,
σώζει ὁ Δεσπότης ἐκ πειρασμῶν,
καὶ εὐρωστίαν δίδωσι,
νόσων ἀπαλλάττων παντοδαπῶν,
ψυχῶν τε καὶ σωμάτων·
διὸ σὲ γεγηθότες,
Αἰκατερῖνα μακαρίζομεν.
Πηγή: Μηναῖον Νοεμβρίου, «Φῶς», σελ. 330&332.