Τῶν Ἁγίων αὐταδέλφων Μάρθας καὶ Μαρίας, ἀδελφῶν τοῦ Λαζάρου

Ἀπολυτίκιον. Ἦχος πλ. α’. Τὸν συνάναρχον Λόγον.
Τῷ Σωτῆρι ἀμέμπτως διακονήσασαι, 

αἱ τοῦ ἁγίου Λαζάρου θεῖαι αὐτάδελφοι, 

σὺν τῇ Μάρθᾳ τῇ κλεινῇ Μαρία πάνσεμνε· 

καὶ τὴν Ἀνάστασιν αὐτοῦ, σὺν Μυροφόροις Γυναιξί, 

μαθοῦσαι ἐκ τοῦ Ἀγγέλου, φωτὸς ἐπλήσθητε θείου, 

ἡμῖν αἰτοῦσαι τὰ σωτήρια.

Κοντάκιον. Ἦχος β’. Τοῖς τῶν αἱμάτων σου.
Τῶν ἀδελφῶν τὴν δυάδα τὴν πάντιμον, 

τὰς τοῦ Λαζάρου συγγόνους τιμήσωμεν, 

Μαρίαν καὶ Μάρθαν ἐν ᾄσμασιν, 

ὡς ἂν αὐτῶν ἱκεσίαις πρὸς Κύριον, 

πταισμάτων συγχώρησιν λάβωμεν.

Μεγαλυνάριον.
Χαίρετε αὐτάδελφοι ἱεραί, 

Μάρθα καὶ Μαρία, σεμναὶ ἤθεσι καὶ ζωῇ· 

χαίρετε Λαζάρου, αἱ σύγγονοι αἱ θεῖαι, 

μεθ’ ὧν ἡμῖν αἰτεῖσθαι, τὸ θεῖον ἔλεος.

Πηγή: synaxarion.gr