Tῆς Μνήμης ἐγκαινίων τῆς Κωνσταντινουπόλεως

 

 

Ἀπολυτίκιον. Ἦχος β’.
Τῆς Θεοτόκου ἡ πόλις, τῇ Θεοτόκῳ προσφόρως, 

τὴν ἑαυτῆς ἀνατίθεται σύστασιν· 

ἐν αὐτῇ γὰρ ἐστήρικται διαμένειν, 

καὶ δι’ αὐτῆς περισώζεται καὶ κραταιοῦται, 

βοῶσα πρὸς αὐτὴν· 

χαῖρε ἡ ἐλπὶς πάντων τῶν περάτων τῆς γῆς.

Κοντάκιον. Ἦχος β’. Τοῖς τῶν αἱμάτων.
Ὡς περιόσιος κλῆρος ἡ πόλις σου, 

προσανατίθεται Κόρη τῇ σκέπῃ σου· 

ἣν σκέποις ἀμάχῳ ἰσχύϊ σου,

 σοὶ ἀφορῶσαν Παρθένε καὶ κράζουσαν· 

Σὺ εἶ τοῦ λαοῦ σου ἀσφάλεια.

Μεγαλυνάριον.
Πόλις ἡ περίοπτος τοῦ Χριστοῦ, 

Κεχαριτωμένη, Παντευλόγητε Μαριάμ, 

ἥνπερ ἔσχες πόλιν, ὡς σχοίνισμα καὶ κλῆρον, 

φυλάττοις τε καὶ σώζοις, τῇ προμηθείᾳ σου.

 

Πηγή: synaxarion.gr