Ἡ πορνείας πρότερον, μεμεστωμένη παντοίας,
Χριστοῦ νύμφη σήμερον, τῇ μετανοίᾳ ἐδείχθης,
Ἀγγέλων τήν πολιτείαν ἐπιποθοῦσα,
δαίμονας, Σταυροῦ τῷ ὅπλῳ καταπατοῦσα·
διά τοῦτο βασιλείας, ἐφάνης νύμφη
Μαρία πάνσεμνε.
Ἀνεκλαλήτου τῆς χαρᾶς,
ὁ θεόφρων Ζωσιμᾶς κατηξιώθη,
σέ σαφῶς ἐν ἐρήμῳ, τετηρηκῶς καί βοῶν·
Ὑμνεῖτε τά ἔργα τόν Κύριον,
καί ὑπερυψοῦτε
αὐτόν εἰς τούς αἰῶνας.
Πόνων καί καμάτων πλουσίως,
ἀπολαύοντες τά ἔπαθλα,
παρά Θεοῦ Μαρία σύν θεόφρονι, Ζωσιμᾷ
ἄπασιν ἡμῖν, καί νῦν αὐτόν ἐξιλεώσασθε,
τήν τῶν πταισμάτων ἄφεσιν,
παρασχεθῆναι ταῖς ψυχαῖς ἡμῶν.
Πηγή: Μηναῖον Ἀπριλίου, σελ. 11, 13,14