Τάδε λέγει Κύριος·
Λούσασθε, καί καθαροί γίνεσθε·
ἀφέλετε τάς πονηρίας ὑμῶν ἀπό τῶν ψυχῶν ὑμῶν,
ἀπέναντι τῶν ὁφθαλμῶν μου· παύσασθε ἀπό τῶν πονηριῶν ὑμῶν.
Μάθετε καλόν ποιεῖν, ἐκζητήσατε κρίσιν,
ρύσασθε ἀδικούμενον, κρίνατε ὀρφανῷ, καί δικαιώσατε χήραν.
Καί δεῦτε καί διαλεχθῶμεν, λέγει Κύριος· καί
ἐάν ὦσιν αἰ ἁμαρτίαι ὑμῶν ὡς φοινικοῦν, ὡς χιόνα λευκανῶ ·
ἐάν δέ ὦσιν ὡς κόκκινον, ὡς ἔριον λευκανῶ. Καί
ἐάν θέλητε, καί εἰσακούσητέ μου, τά ἀγαθά τῆς γῆς φάγεσθε·
ἐάν δέ μή θέλητε, μηδέ εἰσακούσητέ μου, μάχαιρα ὑμᾶς κατέδεται·
τό γάρ στόμα Κυρίου ἐλάλησε ταῦτα.
(Προφητείας Ἡσαῒου, α΄ 16-20)
Πηγή: Μηναῑον Ἰανουαρίου, σελ. 103