Τοῦ Ἁγίου Μάρτυρος Λεοντίου

Ἀπολυτίκιον. Ἦχος γ’. Θείας Πίστεως.
Ρώμην ἔνθεον, διεζωσμένος, 

ἐθριάμβευσας, ἐν τοῖς ἀγῶσιν,

 Ἀθλοφόρε τοῦ Σωτῆρος Λεόντιε· 

σὺ γὰρ ὡς λέων πρὸς ἄθλησιν ὥρμησας, 

καὶ πολεμίων τὸ κράτος κατέβαλες. 

Μάρτυς ἔνδοξε, Χριστὸν τὸν Θεὸν ἱκέτευε, 

δωρήσασθαι ἡμῖν τὸ μέγα ἔλεος.

Κοντάκιον. Ἦχος γ’. Ἡ Παρθένος σήμερον.
Τῶν τυράννων ᾔσχυνας, τὰς πονηρὰς ἐπινοίας,

 καὶ Ἑλλήνων ἤλεγξας, τὸ ἀθεώτατον σέβας*· 

ἔλαμψας, θεογνωσίαν πᾶσιν ἀνθρώποις, 

δόγμασι, τῆς εὐσεβείας θεόφρον Μάρτυς. 

Διὰ τοῦτό σου τὴν μνήμην, τιμῶμεν πόθῳ,

 σοφὲ Λεόντιε.

Μεγαλυνάριον.
Δόξῃ διαπρέπων στρατηγικῇ, 

αἴγλῃ ἐλαμπρύνθης, ἐν Κυρίῳ ἀθλητικῇ· 

σὺ γὰρ τοῦ Σωτῆρος, τὸ ὄνομα δοξάσας, 

μεγαλομάρτυς ὤφθης, αὐτοῦ Λεόντιε.

Πηγή: synaxarion.gr 


 ________________________________________________________________________________________
* Ὁ Ἅγιος Λεόντιος ἦταν Ἕλληνας, ἀλλά ἔζησε τὰ πρῶτα χριστιανικά χρόνια ποὺ πολλοὶ Ἕλληνες ἦταν εἰδωλολάτρες. Εὐτυχῶς ἀργότερα πίστεψαν στὸν ἀληθινὸ Θεό καὶ βαπτίστηκαν Ὀρθόδοξοι Χριστιανοί.