Χορείαν σεπτήν, ἐνθέως φιλομάρτυρες,
ἐγείρατε νῦν, γεραίροντες τήν πάνσοφον, Αἰκατερῖναν·
αὕτη γάρ, ἐν σταδίῳ τόν Χριστόν ἐκήρυξε,
καί τόν ὄφιν ἐπάτησε,
Ρητόρων τήν γνώσιν καταπτύσασα.
Ἀγαλλομένη παρθενίας κάλλεσιν,
Αἰκατερῖνα σοφή, καί θεϊκήν γνῶσιν, οὐρανόθεν ἔχουσα,
τῆς ψευδωνύμου γνώσεως, εὐθαρσῶς καί ἀνδρείως,
τούς προεστῶτας κατῄσχυνας, τούτους κατά κράτος νικήσασα.