Ἀπολυτίκιον. Ἦχος γ' . Θείας πίστεως.
Ρόδον εὔοσμον, τῆς παρθενίας,
νύμφη ἄφθορος, τοῦ Ζωοδότου,
ἀναδέδειξαι Ἀγάθη πανεύφημε·
τῶν ἀγαθῶν τὴν πηγὴν γὰρ ποθήσασα,
μαρτυρικῶς ἐν τῷ κόσμῳ διέπρεψας.
Μάρτυς ἔνδοξε, λιταῖς σου θείαις ἀγάθυνον,
τοὺς πόθῳ μεγαλύνοντας τοὺς ἄθλους σου.
Κοντάκιον. Ἦχος δ'. Ἐπεφάνης σήμερον.
Στολιζέσθω σήμερον ἡ Ἐκκλησία,
πορφυρίδα ἔνδοξον, καταβαφεῖσαν ἐξ ἀγνῶν,
λύθρων Ἀγάθης τῆς Μάρτυρος·
χαῖρε βοῶσα, Κατάνης τὸ καύχημα.
Μεγαλυνάριον.
Εἰς ὀσμὴν τῶν μύρων σου τῶν τερπνῶν,
ἔδραμον Σωτήρ μου, ἀνεβόας τῷ Ἰησοῦ,
νομίμως ἀθλοῦσα, Ἀγάθη Ἀθληφόρε·
διὸ τοῦ σοῦ Νυμφίου, τρυφᾷς τοῖς κάλλεσι.
Γεράσιμος Μοναχὸς Μικραγιαννανίτης
Πηγή: Νέος Ἑνιαύσιος Στέφανος, Γερασίμου Μοναχοῦ Μικραγιαννανίτου, σελ. 220.